Прайшла чарговая экскурсія ў школьны этнаграфічны музей. На гэты раз яго наведвальнікамі былі вучні 1 класа.
Мэты наведвання школьнага музея: пазнаёміць навучэнцаў з сялянскім побытам, асноўнымі прадметамі, іх прымяненнем і выкарыстанне ў сялянскай хаце; развіваць уменне працаваць з рознымі крыніцамі інфармацыі, аналізаваць атрыманую інфармацыю; выхоўваць беражлівыя адносіны да гістарычнага мінулага роднага краю і Беларусі.
Экспанаты музея выклікалі вялікую цікавасць і захапленне ў дзяцей. Яны актыўна ўдзельнічалі ў размове і задавалі пытанні. Па заканчэнні экскурсіі дзецям давалі магчымасць свабодна перасоўвацца ад экспаната да экспаната.
Несумненна, трэба працягваць працу з навучэнцамі па глыбокім вывучэнні гісторыі мінулага роднага краю, развіццё пачуцця патрыятызму. Бо для кожнага з нас вельмі важна захаваць памяць аб мінулым.
Нясем сваю мы спадчыну,
Здабытую ў вяках,
Шануем песню матчыну –
Наш неацэнны скарб.
Яна для нас крыніцаю
Жывей вады звініць,
Каб не маглі забыцца мы,
Дзеля чаго нам жыць.